新的祝願

又到12月,又是回顧過去一年的季節。今年上半年奮斗了不少,付出很多汗水,換來了一些回報,下半年好多掙扎,日子過得有些頹廢。雖然很多東西不能掌握在自己手中,但日子還是要過的,所以會努力地工作下去,期待理想日子來臨的一天。人就是要經過磨練,才能變得更加堅強和堅定。

不能沒有你

很久沒有看過一套這麼感動的電影,電影最後一幕,無聲仿有聲,好觸動人的心靈。抓緊平凡的幸福,才是做人之道。

限期

已經受夠了煎熬,決定給自己一個限期。

Big love

呢兩日既心情悶絶到極點,只有睇下靚女先可以排遣到呢種情緒。

杏璃美眉既寫真真係愈黎愈激, 身材也愈來愈勁爆,單來新作封面已經令人頂唔住。

已經入手, yeah!!!!!!!!!

2 Job in 1 day

今日下午連踩兩場interview, 攰到死。第二個interview gap 到爆, 完全不按常理, 猛咁講如果請左我, 我係咪坐一兩年就會閃人, 我志在未講出口, 我真係好需要你份工, 你快請左我先啦。

無諯諯背痛。

兩件事

尋晚好充實咁做左兩件好耐無做既野。

第一件, 完完整整咁睇完一場波, 睇到曼狗輸, 心情好痛快。

第二件, 終於有心情係屋企睇晒一套戲, 主角係伊坂大師既''番鴨．土鴨．神明儲物櫃'', 前段鋪路有悶, 中段之后入戲玉, 拍出感覺,算係咁。

破200

寄左過200封cv. 音訊全無, 只能耐心再等。

三年前後

重睇返三年前既music station 20th anniversary SP, 都有d感觸嫁。三年前後, 個人響心智上都有些長進, 睇野既方法同以前唔同晒, 這點都算係呢三年來捱出黎既得著。

親情有價

或者我真係做錯左, 唔應該把我妹喊走, 不過愛既一邊永遠係恨, 我太介意都無用。我而家最緊要就係揾到份好工安頓下自己緊要。

金錢至上

其實真係好好笑,對一切都不在乎,又要扮到好緊張。有些野,食得咸魚扺得渴, 俾得你錢出糧俾你, 就預左捱苦。今日又明白左一件野,因為我真係無錢, 所以物野苦我都要捱, 直到我真係有錢為止。

漏氣

呢幾日身心都無晒力同精神,要努力一d先得啦。

滾石: 一人一首成名曲

Volume 1
1. 讓我歡喜讓我憂-周華健
2. 領悟-辛曉琪
3. 掌心-光良品冠
4. 傷痕-林憶蓮
5. 把悲傷留給自己-陳升
6. 謝謝你曾經愛我-潘越雲
7. 心太軟-任賢齊
8. 他不愛我-莫文蔚
9. 愛的代價-張艾嘉
10. 我很丑,可是我很溫柔-趙傳
11. 夢醒時分-陳淑華
12. 無心傷害-杜德偉
13. 猜心-萬芳
14. 心愛妹妹的眼睛-張洪量
15. Lemon Tree-蘇慧倫
16. 浪人情歌-伍佰

Volume 2
1. 花心 - 周华健
2. 别让我哭 - 陈升
3. 我终于失去了你 - 赵传
4. 寂寞难耐 - 李宗盛
5. 滚滚红尘 - 陈淑桦 (电影"滚滚红尘"主题曲)
6. 我是不是你最疼爱的人 - 潘越云
7. 新不了情 - 万芳 (电影"新不了情"主题曲)
8. 味道 - 辛晓琪
9. 橄榄树 - 齐豫
10. 童年 - 张艾嘉
11. 挪威的森林 - 伍佰
12. 鸭子 - 苏慧伦
13. 不必在乎我是谁 - 林忆莲
14. 胡思乱想 - 无印良品
15. 不走 - 杜德伟

無意中諗起讀書時經常去圖書館借碟既時光, 當時無錢買唱片, 除左聽收音機, 圖書館係一個幾好既source。當時借得最多次應該就係呢兩隻''一人一首成名曲'', Volume 1 封面已經揾唔返, 兩隻碟收錄歌曲就係以上31首。可以話每一首都係經典, 當時所以歌曲可以話都已經聽得滾瓜爛熟。歌中歌手除了小部分仲活躍之外, 大部分都已歸隠, 或成左老牌歌手, 聲勢同銷量都已大不如前。而呢些歌曲, 或者只有係一些懷舊演唱會先會再會聽到。那代表我一段童年, 但我也不想再回味, 因那也是我一段過得最無知貧困的日子, 想起來日子真係過得一點意義都沒有, 錯過了那段可改變性格既日子. 我也就到而家都無得救啦。

Lie to me

新發掘美劇, 好有趣, 題材十分新鮮, 以謊言破案真係精彩, 會追落去。

我的男人

2007直木獎得獎作品,我想其得獎原因很大部分是由於書中描寫的一段不倫之戀。在我看來,故事過於平淡,大部分枝節糾纒於情慾心理描寫,感覺上就是在看著一本色情小說。不喜愛這樣題材的作品, 所以此書只係一部兒童不宜的情色作。

異人們的館

好啦, 用左一日睇晒本五百頁既''異人館'', 開頭同中段真係好好睇,好睇到忍唔住手。但係結局實在太太太過草草啦,雖然我係俾折原一flick左, 但係個結局真係夾硬黎,點解到最后妙子,小雪咁重要既角色竟然一交代都無!!! 過癮又失望之作......

阿根廷

之前睇過對巴西果場,今早輸俾巴拉圭就一點都唔意外。而家足球講求效率同隊形, 仲要有keyman, 阿根廷出局真係扺死。當初真係唔知邊個叫老馬做教頭,失敗既代價太重太重。

Mr Children

放假揾工既日子,心情奄悶到極點, 我諗就算send 100封 cv,都有可能一點回音都無。係呢個低落既時候, 多得Mr Children歌聲既拯救。

告白

第一次從博客來買書,三天就收到,價錢同香港差唔多,所以之後又買左三本。

呢本''告白'',可以話新鮮出爐,九月四號先出中文版,一拿到即刻先睹为快。看完感想,就係''惡意''同''野猪大改追''既加強版。呢本書由始至終都係以心理描寫帶動劇情,每章節都係各人的自白出發,格局上似足東野圭吾既''惡意'',當然背境又完全唔同。劇情設定我覺得有''野猪''既影子, 以校園少年對自己的自覺而誘發的命案, ''野猪''當然善良好多,最終破局. 頂多係對人和人之間關係破裂,呢本書就變本加厲,由一起命案開始,引發左復仇, 自己毀滅, 人倫慘案等情節。個人覺得, 呢本係一本極度黑暗既小說, 書中各人可謂個個都無好下場, 而人性係書中可謂一文不值, 不論係受害者或加害者, 怎麼都不可能得讀者的同情, 尤其看完最後一章, 我已經覺得受害者同凶手並無二樣, 可以講, 她同樣係一個冷血既 旁觀者。有如此既設定, 呢本書既爆發當然係毫無爭議, 特別係作者做為一個新手,對於人性既黑暗有如此深度既描寫,已經係相當嚇人,我直情覺得它比''悪意''更黑暗, 更出色。

但此書當然也有好多暗傷,由於過度心理描寫, 似乎過度忽悠了故事合理性,最後既告自也有點兒自圓其說既味道。整體上,也仿弗無那種天才作家獨有既氣質同神采。感覺上就是作者已經博了老命, 不知下次還有沒有貨仔交出來既味道。

好耐無寫咁長既讀書報告。

等待

自己睇了医生,虛驚左一場,無疑我係怕死同懦弱既。

揾工既心情一都唔好受,等待既係一個機會。反思現在既工作,無疑係討厭既。

只好耐心等待。